Ջավախահայերի` հումանիտար ապրանքներով բեռնված մեքենաները, որոնց մուտքը Հայաստան ժամեր առաջ կասեցված էր, այժմ ուղևորվել են հայրենիք: Երկար բանակցություններից հետո վրացի իրավապահները թույլատրել են հատել վրաց-հայկական սահմանը, տեղեկացնում է JNEWS-ը: «Այս պահի դրությամբ, սննդամթերքով բեռնված երկու մեքենա արդեն շարժվում է դեպի սահման՝ Նինոծմինդա-Բավրա մաքսային անցակետ»,-հայտնում է լրատվամիջոցը: Անվադողերով բեռնված մեքենաների թույլտվության համար, սակայն, երիտասարդները պետք է դիմեն համապատասխան գերատեսչություններին: