ԱԺ փոխխոսնակ Ալեն Սիմոնյանը լրագրողների հետ ճեպազրույցում ի պատասխան հարցին, թե ինչո՞ւ Հայաստանը չի դիմում ՀԱՊԿ-ին, ասաց․ «ՀԱՊԿ-ին դիմելու համար նախ պետք է վստահ լինենք, որ համապատասխան արձագանք կլինի։ ՀԱՊԿ-ում և նմանատիպ կառույցներում որոշումները կայացվում են կոնսեսուսային տրամաբանության մեջ։ Այսինքն՝ կդիմենք այն պարագայում, երբ կտեսնենք, որ անհերքելի փաստեր կան, որոնք ՀԱՊԿ-ի քննարկման շրջանակներում դժվար կլինի կասկածի տակ դնել, և վստահ կլինենք, որ կստանանք միանշանակ դրական պատասխան»։ |