Այսօր ԱԺ-ում ԼՀԿ պատգամավոր Աննա Կոստանյանը, դիմելով Նիկոլ Փաշինյանին, ասաց․ «Եթե պնդում եք, որ բանակցային գործընթացում սխալներ թույլ չեք տվել, ապա ինչո՞ւ է ՀՀ առաջին նախագահը հայտարարել, որ դուք ազգակործան պատուհաս եք»։ Ի պատասխան՝ Նիկոլ Փաշինյանն ասաց, որ պիտի գաղտնիք բացի իր և Լևոն Տեր-Պետրոսյանի հանդիպումից։ «Դուք գիտեք, որ ես 2018 թվականի ամռանը ՀՀ առաջին նախագահի հետ հանդիպում եմ ունեցել։ Ես կարող եմ գաղտնիք բացել և ասել, թե ինչ է ասել ինձ առաջին նախագահը մեր հանդիպման ժամանակ՝ «Հողերն արդեն պիտի տաս»,- նշելով, որ մեջբերում է Տեր-Պետրոսյանի խոսքերը, ասաց Փաշինյանը։ |