Քաղաքական մեկնաբան Հակոբ Բադալյանը ֆեյսբուքյան իր էջում գրել է. ««Ռուսաստանը հույս ունի հետևողական աշխատանքով համոզել թուրք գործընկերներին, որ նրանց քաղաքականությունն այնքան էլ ճիշտ չէ»: Սա Ղրիմի հարցում Թուրքիայի դիրքորոշման վերաբերյալ ՌԴ նախագահի խոսնակի հայտարարությունն է: Հաշվի առնելով, պատմության և ներկայի փորձը, որ այդպիսի դեպքերում սովորաբար ռուսներն են համոզվում, ոչ թե թուրքերը, ընդ որում, հաճախ մեր հաշվին, համենայն դեպս պետք է լինել աչալուրջ: Նայելով իրավիճակին մեկ այլ տեսանկյունից՝ ամերիկա-ռուսական հարաբերության, կարող ենք դիտարկել հնարավորություն, որ Բայդենին հաջողվել է «համոզել» Պուտինին, որ Ռուսաստանի քաղաքականությունն այդքան էլ ճիշտ չէ: Եթե ռուսները խոհեմաբար ճիշտ են գնահատել իրավիճակն ու հասկացել են, որ Ուկրաինայի հարցում ավելի լավ է պայմանավորվել ամերիկացիների, քան թուրքերի հետ, ապա դա կլինի մեզ համար լավ հանգուցալուծում: Էս դեպքում Պեսկովի հայտարարությունը գուցե կարող ենք դիտարկել դիվանագիտորեն նուրբ, բայց ինքնավստահ դիրքի՝ ամերիկացիների հետ գործընթացի հիմքի վրա: Դրա նշաններ կան, Բայդենը մի կողմից կարկանդակ-մտրակ տարբերակով սեղմեց Պուտինին, մյուս կողմից տվեց դեմք պահելու հնարավորություն: Սպասենք հաջորդ շաբաթ Պուտինի ուղերձին»: |