Այսօր Սյունիքի մարզում Նիկոլ Փաշինյանի դեմ իրականացված ակցիաների կապակցությամբ ՀՀ ոստիկանությունում հարուցվել է քրեական գործ՝ ՀՀ քրեական օրենսգրքի 316-րդ հոդվածի 1-ին մասի (Իշխանության ներկայացուցչի նկատմամբ բռնություն գործադրելը) և 258-րդ հոդվածի 3-րդ մասի (Խուլիգանություն) հատկանիշներով։ Այս մասին հայտնում է ՀՀ գլխավոր դատախազության հանրային կապերի բաժնի պետ Արևիկ Խաչատրյանը: Քրեական գործի նյութերը ոստիկանությունից ուղարկվել են ՀՀ Քննչական կոմիտե: Հիշեցնենք, որ այսօր Նիկոլ Փաշինյանի Սյունիքի մարզ կատարած այցելության ընթացքում մի խումբ քաղաքացիներ հայհոյանքներով փորձել են խոչընդոտել վարչապետ Նիկոլ Փաշինյանի տեղաշարժը Սյունիքի մարզի Մեղրի և Ագարակ քաղաքներում։ |