Մեքսիկայի մայրաքաղաք Մեխիկոյում մետրոկամրջի փլուզման հետևանքով 20 մարդ է զոհվել, 49 մարդ հոսպիտալացվել, հաղորդում է Milenio հեռուստաալիքը: Մետրոկամուրջը, գնացքի հետ միասին, ընկել է Մեքսիկայի մայրաքաղաքի հարավ-արևելքում:

Ավելի վաղ տեղական իշխանությունները հայտնել էին, որ վթարի հետևանքով զոհվել է 15 մարդ, մոտ 70-ը տուժել են:

Նշվում է, որ զոհերի թվում անչափահասներ կան։ Մեխիկոյի քաղաքապետը հայտնել է, որ փլուզման հետևանքով 7-ի վիճակը ծանր է: