ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+10 °C, +10 °C ... +20 °C Վաղը`+22 °C
20 երկիր հայտարարել է Ուկրաինային նոր ռազմական օգնության տրամադրման մասին. Փենթագոն
22:48, 23.05.2022 | mamul.am
6703 | 0

Փենթագոնի ղեկավար Լլոյդ Օսթինը հայտնել է, որ 20 պետություն որոշել է լրացուցիչ ռազմական օգնություն ուղարկել Կիև։

Փոխանցվում են շատ անհրաժեշտ հրետանային զինամթերք, տանկեր և այլ զրահատեխնիկա, ասել է նա Ուկրաինայի պաշտպանության համար կոնտակտային խմբի նիստից հետո կայացած մամուլի ասուլիսի ժամանակ։

Օսթինը նշել է, որ այլ երկրներ նույնպես նոր պարտավորություններ են ստանձնել ուկրաինացի զինվորականներին պատրաստելու համար։ Պաշտպանության նախարարը հատուկ շնորհակալություն է հայտնել Չեխիային՝ վերջերս Ուկրաինային կրակային աջակցության ուղղաթիռների, հրթիռային համակարգերի և տանկերի փոխանցման համար։ Իսկ Դանիան՝ Harpoon հականավային հրթիռային կայան ուղարկելու որոշման համար։

ԱՄՆ ռազմական գերատեսչության ղեկավարը ողջունել է այլ երկրների՝ Իտալիայի, Նորվեգիայի, Հունաստանի և Լեհաստանի ներդրումը։ Նրանք հրետանի են ուղարկել Ուկրաինա: Օսթինը նաև նշել է Մեծ Բրիտանիայի դերը ռազմական օգնության համակարգման գործում:

Կիսվի՛ր այս նյութով՝
դեպի վեր