Արցախի Մարտունու շրջանում ընթացող հանրահավաքի ժամանակ քիչ առաջ ելույթ ունեցավ ԱՀ ԱԺ պատգամավոր Գեղամ Ստեփանյանը՝ նշելով, որ Արցախը կրկին վտանգի առաջ է կանգնած: «Վտանգված է, որովհետև ՀՀ իշխանությունները, որոնք պարտավոր են Արցախի ճակատագիրը որոշելու հարցում առաջնորդվել միայն ու միայն մեր ժողովրդի կամքով և մեր ինքնորոշման իրավունքի հրամայականով, այսօր շեղվել են այդ ճանապարհից: Մեր անունից բանակցողը ներգրավված է քննարկումների մեջ, որտեղ օգտագործվում է Ղարաբաղի էթնիկ բնակչություն արտահայտությունը.... Մենք ազգային էթնիկ փոքրամասնություն չենք, մենք Արցախի Հանրապետության պետականակիրն ենք, մնացածն ուղղակի բարբաջանք է»,- նշեց նա: |