ՄԱՄՈՒԼ.ամ
Hay / Հայ | Рус | Eng | Tür
USD 405.65, EUR 396.08, RUB 7.57, GBP 448.93
+17 °C, +16 °C ... +27 °C Վաղը`+28 °C
«Թունավորված է բնակչության մոտ 30%-ը». Նինոծմինդայի առողջապահության կենտրոնի տնօրեն
13:30, 02.07.2022 | mamul.am
4708 | 0

Հունիսի 29-ի երեկոյան, Նինոծմինդայի շրջանի Մեծ Արագյալ գյուղում բացահայտվել են թունավորման դեպքեր։ Բնակիչները ենթադրում են, որ թունավորման պատճառը կարող է լինել խմելու ջուրը, գրում է Jnews-ը:

«Ժողովրդի կարծիքով թունավորումը կապված է ջրի հետ, այդպես են ենթադրում։ Թունավորվածների քանակը բավականին շատ է, բնակչության մոտ 30 տոկոսը։ Ծանր դեպքեր չկան, ստամոքսաղիքային երևույթներ են՝ ընդհանուր թուլություն, սրտխառնոց, լուծ, բայց կարճատև, երկու օր է տևում, առավելագույնը երեք, բնակիչներին անհանգստացնում է հիմնականում թուլությունը»,- ասել է Նինոծմինդայի հասարակական առողջապահության կենտրոնի տնօրեն Տիգրան Եղոյանը:

Ջրի ավազանը քլորացվել է, ջրից նմուշ է վերցվել, որը կուղարկվի լաբորատորիա հետազոտման։ Բնակիչներին զգուշացվել է, որ ջուրն օգտագործեն միայն եռացնելուց հետո։

Կիսվի՛ր այս նյութով՝
| |
դեպի վեր