«Կառավարության կառուցվածքի և գործունեության մասին» օրենքում փոփոխություններ և լրացումներ կատարելու մասին» օրենքի նախագծի և հարակից օրենքների նախագծերին հավանություն տալու և անհետաձգելի համարելու մասին նախագծով առաջարկվում է ստեղծել Ներքին գործերի նախարարություն: Այն իր մեջ ներառելու է երեք խոշոր ծառայություն՝ ոստիկանություն, փրկարար ծառայություն և միգրացիայի ու քաղաքացիության ծառայություն: Ծառայությունների ղեկավարները նշանակվելու են վարչապետի կողմից: «Փոփոխության ամենախորքային ու հեռանկարային իմաստը՝ նոր ստանդարտի ոստիկանություն և փրկարար ծառայություն ունենալն է»,- հայտարարեց վարչապետը: