Ուկրաինայի նախագահ Վլադիմիր Զելենսկին ժամանել է Միացյալ Նահանգներ, Twitter-ի իր էջում գրել է NBC-ի լրագրող Փիթեր Ալեքսանդրը։ Ուկրաինացի անանուն պաշտոնյան նրան հայտնել է ժամանման մանրամասները։ Լրագրողի հրապարակման մեջ ասվում է, որ պետության ղեկավարի ինքնաթիռը «վայրէջք է կատարել ԱՄՆ-ում»։ Ըստ Associated Press-ի՝ Վլադիմիր Զելենսկու ինքնաթիռը վայրէջք է կատարել Վաշինգթոնի մերձակայքում գտնվող ավիաբազայում։ Ուկրաինայի առաջնորդը Վաշինգթոն է ժամանել ամերիկյան ռազմական ինքնաթիռով։ ԱՄՆ մայրաքաղաքում նա նախատեսում է հանդիպել իր գործընկեր Ջո Բայդենի հետ։ |