Հայաստանի վարչապետ Նիկոլ Փաշինյանի պահվածքը Լեռնային Ղարաբաղի պատերազմից հետո խոսում է այդ տարածքից (Լեռնային Ղարաբաղի-խմբ.) ազատվելու, Ռուսաստանի հետ հարաբերությունները խզելու և Արևմուտքի հետ մերձեցման կուրս սկսելու նրա ցանկության մասին: Բայց Մոսկվան չպետք է խաչ քաշի այս տարածաշրջանի վրա, ասել է Պետդումայի ԱՊՀ գործերով կոմիտեի նախագահի առաջին տեղակալ Կոնստանտին Զատուլինը։
Մարտի 24-ին Հայաստանի Սահմանադրական դատարանը ճանաչեց Հռոմի կանոնադրությունը՝ որպես երկրի սահմանադրությանը համապատասխանող։ Այս որոշման մասին հայտարարեց երկրի Գերագույն դատարանի նախագահը. փաստացի, դա տեղի ունեցավ այն բանից հետո, երբ այս կանոնադրությամբ ստեղծված Միջազգային քրեական դատարանը կալանքի օրդեր արձակեց Ռուսաստանի նախագահ Վլադիմիր Պուտինի նկատմամբ։

«Հայաստանի իշխանությունները շարժվում են Արևմուտքի հետ մերձեցման և Ռուսաստանից հեռանալու ճանապարհով, թեև Ղարաբաղի հայերի անվտանգության հարցերում ամեն ինչ կապված է Մոսկվայի հետ։ Բայց փաստն այն է, որ Հայաստանի գործող իշխանությունը հանձնել է այս տարածքը։ Ինքը՝ վարչապետը, Ղարաբաղի հայերին յուրային չի համարում։ Ընդհակառակը, սա ժողովրդի կասկածելի մասն է, որը ժամանակին տոմս է տվել Ռոբերտ Քոչարյանի, Սերժ Սարգսյանի, այսինքն՝ նրա քաղաքական մրցակիցների քաղաքական կյանքին»,- ասել է Զատուլինը։
Պատգամավորն սկանդալային դրվագ է անվանել Հռոմի ստատուտի ճանաչումը և հորդորել սպասել վավերացման վերաբերյալ խորհրդարանի որոշմանը։

«Սա ակնհայտ սկանդալային դրվագ է։ Այժմ ուկրաինական ալիքներում ակտիվորեն հնչում է Հայաստանի դիրքորոշումը։ Դաշնակիցներն, իհարկե, այդպես չեն վարվում։ Իսկ այսօրվա հարաբերությունների փաստն այս կերպ հաստատելու համար բավական է միայն այս որոշումը։ Հայաստանի Սահմանադրական դատարանը «գլխատվեց» Փաշինյանի կողմից, նրա նախկին ղեկավարությունը պաշտոնանկ արվեց և ահաբեկվեց, ուստի ցանկացած փորձ՝ ձևացնելու, թե սա անկախ մարմնի որոշումն է, ուղղակի ծիծաղելի է։ Հիմա Հռոմի ստատուտը պետք է վավերացվի կամ չվավերացվի խորհրդարանի կողմից, իսկ որոշումից հետո ընդհանրապես կասկած չի մնա։ Միևնույն ժամանակ, իշխանությունները ձևացնում են, թե դա անհրաժեշտ է Ադրբեջանի դեմ պայքարելու համար, բայց իրականում, ինչպես տեսնում ենք, դա արվում է նոր ընկերներին՝ Շառլ Միշելին և վարչապետ Փաշինյանի մյուս զրուցակիցներին հավատարմություն ցուցաբերելու համար»,- հավելել է զրուցակիցը։