Հրդեհ է բռնկվել Ֆրանսիայի Վինցենհայմ ավանում գտնվող հաշմանդամություն ունեցող անձանց հանգստյան տանը, զոհվել է 11 մարդ: «Առաջին հարկում գտնվողները ողջ են մնացել, հինգ հոգու հաջողվել է դուրս գալ երկրորդ հարկից: Մյուսները մահացել են»,- ասել է դատախազության ներկայացուցիչը՝ հավելելով, որ այս պահին հարցաքննվում է հաստատության սեփականատերը: Պաշտոնյայի խոսքով, հրդեհի առաջացման ստույգ պատճառը դեռևս հայտնի չէ: |