Բրիտանացի բուժքույր Լյուսի Լեթբին ցմահ ազատազրկման է դատապարտվել յոթ նորածինների սպանության և ևս վեցի մահափորձ կատարելու մեղադրանքով, հայտնում են բրիտանական լրատվամիջոցները։
Ըստ քննիչների՝ Լեթբին 2015-ից 2016 թվականներին Անգլիայի հյուսիսում գտնվող Չեսթերի կոմսուհի հիվանդանոցում նորածին հինգ տղայի և երկու աղջկա է սպանել: Մեղադրող կողմը պնդում է, որ բուժքույրը երեխաներին ինսուլին և օդ է տվել, ինչպես նաև չափից շատ է կերակրել երեխաներին։