+15 °C, +15 °C ... +26 °C Վաղը`+28 °C
Թուրքիայի իշխանությունները պլանավորում են Ստամբուլի մոտ 1,5 միլիոն բնակարանների բնակիչներին տեղափոխել սեյսմակայուն բնակարաններ։ Այս մասին հայտարարել է հանրապետության նախագահ Ռեջեփ Թայիփ Էրդողանը։ «Թուրքիան սեյսմակայուն երկրի վերածելու մեր աշխատանքում առանձին տեղ ենք հատկացնում Ստամբուլին և Մարմարա ծովին։ Ինչ վերաբերում է Ստամբուլին, մենք այժմ պլանավորում ենք մոտ 1,5 միլիոն բնակարանների բնակիչներին տեղափոխել սեյսմակայուն բնակարաններ: Կորցնելու ժամանակ չկա»,- Էրդողանի խոսքը մեջբերում է TRT-ն: «Սա ևս մեկ նախագիծ է այն միջոցառումների շրջանակներում, որոնք մենք ձեռնարկում ենք Ստամբուլի երկրաշարժից պաշտպանվելու համար»,- ասել է Թուրքիայի նախագահը։ Սեյսմոլոգները բազմիցս զգուշացրել են Ստամբուլի շրջանում ուժեղ երկրաշարժի հնարավորության մասին։ 7,0 և ավելի մագնիտուդով ցնցումների դեպքում նրանք կարծում են, որ մոտ 90 հազար շենք կարող է անմիջապես փլուզվել, 260 հազարը կվնասվեն և կդառնան անբնակելի, իսկ 4,5 միլիոն մարդ ժամանակավոր կացարանի կարիք կունենա։ Ուժեղ երկրաշարժին մեգապոլիսը նախապատրաստելու անհրաժեշտության մասին թուրքական իշխանությունները սկսել են լրջորեն խոսել այս տարվա փետրվարին երկրի հարավ-արևելքում տեղի ունեցած ավերիչ հետցնցումներից հետո։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am