Ռուս խաղաղապահները Լեռնային Ղարաբաղի նախկին շփման գծի երկայնքով կազմալուծել են ժամանակավոր դիտակետերը, հայտնում է ՌԴ պաշտպանության նախարարությունը։ «Ավարտվել է Ասկերանի, Մարտակերտի և Շուշիի շրջաններում նախկին շփման գծի երկայնքով ժամանակավոր դիտակետերի ապամոնտաժումը»,- ասվում է հաղորդագրության մեջ։ Միևնույն ժամանակ, գերատեսչությունը նշել է, որ խաղաղապահները շարունակում են կատարել առաջադրանքները տարածաշրջանում և փոխգործակցում են Բաքվի և Ստեփանակերտի հետ՝ «կանխելու քաղաքացիական անձանց արյունահեղությունը, ապահովելու անվտանգությունը և հումանիտար իրավունքը»: |