Հայաստանում ԵՄ դիտորդական առաքելության ընդլայնումը միայն կուժեղացնի լարվածությունն Անդրկովկասում, վստահ է Ռուսաստանի փոխարտգործնախարար Միխայիլ Գալուզինը։ Ռուսական կողմը համոզված է, որ ԵՄ առաքելության ընդլայնումը «բացարձակապես անօգուտ կլինի և որևէ արդյունք չի տա ադրբեջանա-հայկական կարգավորումը դյուրացնելու առումով»,- նշել է Գալուզինը։ «Եվրոմիությունը ոչ մի նոր բան չի բերում Անդրկովկասին, բացի լրացուցիչ լարվածությունից և անվստահությունից»,- ասել է փոխնախարարը։ Նախօրեին Եվրոմիության անդամ երկրների արտգործնախարարները որոշել էին 50 տոկոսով ավելացնել Հայաստանում իրենց քաղաքացիական առաքելության դիտորդների թիվը: |