Քաղաքագետ Սուրեն Սուրենյանցի ֆեյսբուքյան գրառումը. ««Չեմ բացառում, որ նման տարբերակ կարող է Հայաստանի համար ընդունելի լինել: Սահմանազատման և սահմանագծման պրոցեսը կարող է շատ երկար տևել»:
Ալեն Սիմոնյանը՝ Հիքմեթ Հաջիևի հայտարարության մասին
● Եվ այսպես, եթե Սիմոնյանի ասածը հիմք ընդունենք, ապա կարող ենք գրեթե վստահ պնդել, որ ստորագրվելիք փաստաթուղթը ոչ թե խաղաղության, այլ Հայաստանի կապիտուլյացիայի «ճանապարհային քարտեզի» մասին է լինելու: Դեմարկացիան, այո, կարող է տասնամյակներ ձգվել, բայց դելիմիտացիան, առնվազն՝ դրա հիմքում ընկած կոնկրետ քարտեզը, պետք է համաձայնեցվի մինչև խաղաղության պայմանագիրը: Հակառակ պարագայում՝ ստացվում է, որ Երևանն ու Բաքուն արձանագրելու են ԼՂ-ի ադրբեջանական կլանումը, «օրինականացնելու» են Հայաստանի 200 քառակուսի կիլոմետրի օկուպացիան և ճանապարհ են բացելու Հայաստանի մյուս տարածքների շուրջ սակարկության համար:
Սա անընդունելի է, սա Հայաստանի անվերապահ կապիտուլյացիայի ճանապարհ է»: