Ռուսաստանը նախատեսում է 2 դեսպանատուն և 5 գլխավոր հյուպատոսություն բացել արտերկրում: Այս հարցի վերաբերյալ որոշումներն արդեն համաձայնեցված են: Այս մասին դեկտեմբերի 25-ին հայտարարել է ՌԴ արտաքին գործերի փոխնախարար Եվգենի Իվանովը:

«Արդեն ընդունվել և համաձայնեցվել են հյուրընկալող պետությունների իշխանությունների հետ Բուրկինա Ֆասոյում և Հասարակածային Գվինեայում դեսպանություններ, Կապանում (Հայաստան), Ակտաուում (Ղազախստան), Սամարղանդում (Ուզբեկստան), Դենպասարում (Ինդոնեզիա) և Մալեում (Մալդիվյան Հանրապետություն) գլխավոր հյուպատոսություններ բացելու մասին որոշումները»,- ասել է նա:

Իվանովը նշել է, որ Արևմուտքի երկրները արտաքսել են մի քանի հարյուր ռուս դիվանագետների և փակել 14 արտասահմանյան հաստատություններ վերջին երկու տարվա ընթացքում: Սակայն հեռանկարում ՌԴ-ն զգալիորեն կընդլայնի դիվանագիտական ներկայությունն արտերկրում, հավելել է նա: