Այսօր լրանում է հայ սպա Գուրգեն Մարգարյանի սպանության 20-րդ տարելիցը: 2004 թվականի փետրվարի 19-ին Բուդապեշտում ադրբեջանցի ոճրագործ Ռամիլ Սաֆարովը կացնահարում է Գուրգեն Մարգարյանին քնած ժամանակ: Մարգարյանը Հունգարիայի մայրաքաղաքում մասնակցում էր ՆԱՏՕ-ի անգլերեն դասընթացներին:

Հունգարիայի դատարանը դատապարտում է Ռամիլ Սաֆարովին ցմահ բանտարկության` առաջին 30 տարիներին առանց ներման իրավունքի: 2012-ի օգոստոսի 31-ին, սակայն, Հունգարիայի իշխանությունները որոշում են կայացնում արտահանձնել Սաֆարովին Ադրբեջանին: Ադրբեջան արտահանձնվելուց հետո ոճրագործն արժանանում է Իլհամ Ալիևի ներմանը, նրան շնորհում են մայորի կոչում, ապահովում բնակարանով, անգամ հերոսացնում: