Փաշինյանի հրաժարականի պահանջով հանրահավաքին մասնակցում է նաև ՀՀԿ Գործադիր մարմնի անդամ Էդուարդ Շարմազանովը։ «Հայ հասարակության մեջ կա կոնսենսուս, որ Նիկոլն անպիտան ղեկավար է, որ չի կարող ՀՀ շահերը պաշտպանել, որ ձախողել է ամեն ինչ։ Հիմա պետք է՝ հասարակական, քաղաքական բոլոր նախաձեռնությունները, անկախ կուսակցական պատկանելիությունից, համախմբվեն։ Կհամախմբվե՞ն գործով, ուրեմն Նիկոլը կգնա․ ամեն ինչ մեր ձեռքերում է»,- լրագրողների հետ զրույցում ասել է նա։ Ազատության հրապարակում մեկնարկում է «Միասին» այլընտրանքային հասարակական-քաղաքական շարժման հանրահավաքը՝ «Ես պահանջում եմ Նիկոլ Փաշինյանի հրաժարականը», «Արցախյան ազատագրական պայքարը շարունակվում է» կարգախոսներով։ |