+12 °C, +11 °C ... +20 °C Վաղը`+21 °C
Ռուսաստանում ավարտվել է նախագահական ընտրությունների քվեարկությունը: Երկրի գործող նախագահ Վլադիմիր Պուտինը հավաքել է ձայների ավելի քան 87 տոկոսը: Արտասահմանյան լրատվամիջոցները աղետ են կանխատեսում Ուկրաինայում: «Պուտինի հաղթանակի և ԱՄՆ-ում Թրամփի՝ հնարավոր իշխանության գալու ֆոնին Եվրոպան պետք է փոխի իր մտածելակերպը»,- գրում է Bloomberg-ը: Wall Street Journal-ը հարց է ուղղում. «Պուտինի իշխանության ևս վեց տարիները էլ ի՞նչ կարող են բերել Ռուսաստանին և աշխարհին»: Բրիտանական Guardian թերթն ուշադրություն է հրավիրել քվեարկությունը խափանելու փորձերի վրա. ընտրություններն անցկացվել են ռուսական նավթային օբյեկտների վրա ուկրաինական դրոնների հարձակումների ֆոնին: Ինչպես հաղորդում է CNN-ը, Ուկրաինան ընտրությունների օրը հարձակվել է նույնիսկ այն տարածքների վրա, որոնք իրենն է համարում: Թուրքական Anadolu-ն նշում է, որ քվեարկության ժամանակ զանգվածային կիբերհարձակումներ են տեղի ունեցել Կենտրոնական ընտրական հանձնաժողովի վրա։ «1999 թվականին իշխանության եկած Պուտինը պատրաստվում է նոր վեցամյա ժամկետի, որը թույլ կտա նրան դառնալ Ռուսաստանի առաջնորդը, որն իր նախորդներից ամենից շատն է մնացել իշխանության՝ վերջին ավելի քան 200 տարվա ընթացքում»,- գրում է Reuters-ը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am