ՆԱՏՕ-ի գլխավոր քարտուղար Ենս Սթոլթենբերգն ամփոփել է Հայաստան կատարած այցը: X-ի իր միկրոբլոգում նա գրել է, որ հաճելի է եղել Երևանում հանդիպել Հայաստանի նախագահ Վահագն Խաչատուրյանի և վարչապետ Նիկոլ Փաշինյանի հետ: «Ակնկալում եմ Հայաստանի հետ ՆԱՏՕ-ի գործընկերության ամրապնդում։ Հարավային Կովկասում խաղաղությունն ու կայունությունը անվտանգության համար կարևոր են ավելի լայն իմաստով»,- գրել է նա՝ Հայաստանին և Ադրբեջանին կոչ անելով օգտվել տևական խաղաղության հաստատելու հնարավորությունից: Սթոլթենբերգը տարածաշրջանային այցով մարտի 19-ին Հայաստանում էր: Մարտի 17-ին նա եղել էր Ադրբեջանում, մարտի 18-ին՝ Վրաստանում: |