Մոսկվայում ահաբեկչության կասկածանքով ձերբակալվածներից 4-ը Ռուսաստանի Դաշնության քաղաքացիներ չեն, օտարերկրացիներ են։ Այս մասին հայտնում է ՌԴ ՆԳՆ գլխավոր տնօրինության մամուլի ծառայությունը։ Կեղծ տեղեկություններ են տարածվել մի շարք թելեգրամ-ալիքներում և այլ սոցիալական ցանցերում, թե Բրյանսկի մարզում ձերբակալված 4 կասկածյալները Ռուսաստանի քաղաքացիներ են։ Ներկայում ՌԴ ՆԳՆ միգրացիոն ստորաբաժանումները ՌԴ ԱԴԾ-ի գործընկերների հետ համատեղ մանրակրկիտ ստուգում են տվյալները և պարզում, թե որքան ժամանակ են նրանք գտնվում Ռուսաստանում։ Բացի այդ, սահմանվում են փաստացի բնակության և այլ կապակցված հասցեները։ |