ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+12 °C, +10 °C ... +21 °C Վաղը`+23 °C
Վազգեն Մանուկյանը բաց նամակ է հղել Կոնստանտին Զատուլինին
16:18, 18.04.2024 | mamul.am
4482 | 1

ՀՀ նախկին վարչապետ Վազգեն Մանուկյանը բաց նամակ է հղել ՌԴ Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինին, որում ասվում է․ «Հարգելի՛ Կոնստանտին Ֆեոդորի, Ղարաբաղից ռուսական զորախմբի դուրսբերումը վերջին կետն է դնում «i»-ի վրա։ Նույնիսկ հաշվի առնելով Ուկրաինայի հետ կապված Ռուսաստանի խնդիրները՝ անգամ հաշվի առնելով, որ Հայաստանի ղեկավարը ոչ ադեկվատ մարդ է, 2020թ․ ի վեր Ռուսաստանի պահվածքն, ըստ իս, չի համապատասխանում դաշնակցի հասկացություններին։ Անկախ նրանից՝ ինչով կավարտվի հակամարտությունն Ուկրաինայում, Ռուսաստանն այստեղ արդեն պարտվել է ձեզ համար ավելի նշանակալից պատերազմում՝ ցույց տալով աշխարհի ժողովուրդներին ձեր դաշինքի «հուսալիությունը», ճանապարհ բացելով և ոգեշնչելով պանթյուրքական շարժմանը, որը կործանարար է թե՛ մեր, թե՛ Ռուսաստանի համար։ Դոմինոյի առաջին քարն արդեն ընկել է։ Սրտի ցավով եմ գրում ձեզ՝ որպես Հայաստանի հավատարիմ բարեկամի և մեր երկրի իրական հայրենասերի, որը հասկանում է Ղարաբաղում տեղի ունեցածի բոլոր հետևանքները»։

Կիսվի՛ր այս նյութով՝
դեպի վեր