+20 °C, +9 °C ... +20 °C Վաղը`+21 °C
Հայաստանը հավատարիմ է խաղաղության օրակարգին։ Այս մասին Հունգարիայի ԱԳ նախարար Պետեր Սիյարտոյի հետ համատեղ ասուլիսի ժամանակ ասել է ՀՀ ԱԳ նախարար Արարատ Միրզոյանը։ «Մենք անկեղծորեն, կառուցողաբար և բարի կամքով ենք ներգրավված բանակցություններում և վստահ ենք, որ վերջնական խաղաղության հաստատումն իսկապես բխում է Հայաստանի և Ադրբեջանի շահերից։ Ուզում եմ զգուշավոր լավատեսություն հայտնել առաջիկայում սպասվող բանակցությունների առումով։ Դուք, ինչպես նկատեցի, գուցե՝ կատակով, գուցե՝ հեգնանքով «պինգ պոնգի» դիվանագիտություն անվանեցիք մեր հանդիպումները և խաղաղության պայմանագրի շուրջ բանակցությունները, բայց, այնուամենայնիվ, այդ նույն «պինգ պոնգի» դիվանագիտության շրջանակում մեզ հաջողվել է համաձայնության գալ բազմաթիվ հարցերի շուրջ և նաև գիտեք, որ տեղի են ունենում զուգահեռ գործընթացներ։ Ըստ էության, սկսվել է սահմանազատման գործընթացը, մեր երկու երկրների ղեկավարներն են հանդիպումներ ունեցել և կրկին համաձայնության եկել առանցքային մի քանի հարցերի շուրջ։ Այդ հարցերից ամենակարևորը, նշեմ, այն է, որ երկու երկրները փոխադարձաբար ճանաչում են միմյանց տարածքային ամբողջականությունը՝ 1991թ․ Ալմաթիի հռչակագրի հիման վրա»,- ասել է Միրզոյանը՝ պատասխանելով ադրբեջանցի լրագրողի հարցին։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am