Քաղաքական մեկնաբան Հակոբ Բադալյանի գրառումը. «Ներեցեք, բայց ի՞նչ է նշանակում այդ անհեթեթ արտահայտությունը՝ «չեն ուզում, որ Հայաստանը պետական սահման ունենա»: Եվ սա ասում են պետական պաշտոնյաներ:
Բա, եթե Հայաստանը պետական սահման չունի, դուք ո՞ր պետության պաշտոնյա եք, ո՞ր պետության բյուջեից եք ստանում աշխատավարձ, ո՞ր պետության բյուջեից սպասարկվող ծառայական մեքենաներից եք օգտվում:
Եթե սահմանը սահմանազատված եւ սահմանագծված չէ, դա դեռ չի նշանակում, որ չկա պետական սահման: Պետական սահմանը կարող է լինել այո՝ դասական կահավորմամբ, եւ կարող է լինել շփման գծի տեսքով՝ կրամատավորված, ականապատված եւ այլն, բայց այն կա, այն պետական սահման է:
Վարեք ձեր քարոզչական պատերազմը ձեր ներքին մրցակիցների դեմ, բայց ոչ Հայաստանի հանրապետության»: