+28 °C, +16 °C ... +28 °C Վաղը`+27 °C
Լրագրող Ոսկան Սարգսյանի գրառումը․ «Առանց խաղաղության պայմանագիր կնքելու սահմանազատման անվան տակ, միակողմանի կերպով Ադրբեջանին տարածքներ հանձնելը, Արցախ բառից անգամ հրաժարվելը, Արարատ լեռի պաշտամունքը Արագածով փոխելը, ցեղասպանության փաստը լղոզելը, ՀՀ սահմանադրությունը փոխելու մտադրությունը ՔՊ-ական իշխանությունը ներկայացնում է` որպես Հայաստանի ինքնիշխանությունն ու անկախությունն ամրապնդելու քայլեր, ոչ թե՝ Ադրբեջանի ու Թուրքիայի պահանջները կատարելու ծրագիր։ Իշխանության քարոզչական մեքենան քաղաքականապես տհաս մարդկանց դրանք ներկայացնում է իբրև պատմական պատրանքներից, երազանքներից Ռուսաստանի գաղութատիրությունից հրաժարվելու, դեպի Արևմուտք, Եվրոպա շարժվելու քաղաքականություն։ Մինչդեռ Նիկոլ Փաշինյանի կառավարությունը անցած 6 տարում ոչինչ չի արել Հայաստանի տնտեսության կախվածությունը Ռուսաստանից փոքր-ինչ նվազեցնելու ուղղությամբ։ Հայաստանի բոլոր կարևոր ենթակառուցվածքները Ռուսաստանի, ռուսական ընկերությունների ձեռքին են, Հայաստանի գյուղմթերքների, պահածոների, խմիչքների արտահանման հիմնական շուկան Ռուսաստանն է, Եվրոպայում, ԱՄն-ում այդ ապրանքներին չեն սպասում։ Նիկոլ Փաշինյանը Պուտինի հետ վերջին հանդիպման ժամանակ համաձայնվել է, որ Իրանի և Թուրքիայի հետ Հայաստանի սահմանը ռուս սահմանապահները հսկեն։ Իսկ Ադրբեջանի հետ սահմանն էլ անօրինական կերպով ետ է քաշում, տարածքներ հանձնում։ Այ քեզ ինքնիշխանության և անկախության հաստատում, իրականում դա ադրբեջանա-թուրքական լուծը Հայաստանի վզին հագցնելն է»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am