«Տավուշը հանուն հայրենիք» շարժման մասնակիցները՝ Բագրատ Սրբազանի գլխավորությամբ, ուղևորվում են դեպի Կիրանց։
«Ժողովրդական համախմբում» կուսակցության նախագահ, շարժման անդամ Սուրեն Պետրոսյանը ֆեյսբուքյան գրառում է կատարել․ «Այսօր կրկին մեկնում ենք Կիրանց։ Չնայած պայքարը տեղափոխվել է Երևան, սակայն մենք ինչպես առաջին օրը՝ մարտի 25-ին, այնպես էլ այսօր կիրանցի ու ոսկեպարցի մեր հարազատների կողքին ենք:
Երեկ մեր առաջ ճանապահը փակ էր:
Հուսանք, ոստիկաններին հրահանգողներն այսօր ավելի ողջամիտ կգտնվեն»։
Հայտնել էինք, որ Կիրանցում ոստիկանական մեծաթիվ ուժեր են կենտրոնացված։