«Դուք քաղաքական հեթանոսներ եք»,- դիմելով ընդդիմադիրներին՝ ԱԺ ամբիոնից ասաց «Քաղաքացիական պայմանագիր» խմբակցության ղեկավար Հայկ Կոնջորյանը։ «Հայաստանում 2018 թվականին հաստատվել է նոր քաղաքական հավատամք, դա կոչվում է ժողովրդավարություն։ Դուք, որպես քաղաքական հեթանոսներ, ուզում եք վերականգնել հին քաղաքական հավատամաքը՝ գողապետությունը։ Ձեր քաղաքական հեթանոսության շարժումն ունի քաղաքական հեթանոս առաջնորդ։ Դուք էն աստիճանի քաղաքականապես սնանկ եք, որ քաղաքական տեքստ և տեսլական գեներացնելու անկարողությունից դրդված՝ հոգևորականի սքեմի ներքո փորձում եք Հայաստանում քաղաքական իշխանություն զավթել»,- նշեց նա: