+20 °C, +16 °C ... +32 °C Վաղը`+33 °C
ԱՄՆ-ն դիտարկում է Հայաստանի մի շարք խնդրանքներ՝ որոշելու, թե ինչ կարող է անել՝ աջակցությունն ամրապնդելու համար։ Այս մասին հայտարարել է ԱՄՆ պետքարտուղար Էնթոնի Բլինքենը, հաղորդում է ТАСС-ը։ «Մենք դիտարկում ենք Հայաստանի մի շարք խնդրանքներ, որպեսզի որոշենք, թե ինչ քայլեր կարող է ԱՄՆ-ն ձեռնարկել՝ Երևանին աջակցությունն ամրապնդելու նպատակով»,- ասել է Բլիքենը՝ Ներկայացուցիչների պալատի արտաքին գործերի հանձնաժողովում լսումների ժամանակ՝ այլ մանրամասներ չներկայացնելով։ Բացի այդ, Բլիքենը հիշեցրել է, որ ապրիլի սկզբին Բրյուսելում կայացել է իր համատեղ հանդիպումը Եվրոհանձնաժողովի ղեկավար Ուրսուլա ֆոն դեր Լյայենի և Հայաստանի վարչապետ Նիկոլ Փաշինյանի հետ: Այդ խորհրդակցությունները, նրա խոսքով, անցկացվել են Հայաստանին աջակցելու համար։ «Եվ մենք առաջ ենք շարժվելու մի շարք տարբեր ոլորտներում»,- խոստացել է Բլիքենը։ Նա նաև հույս է հայտնել, որ Ադրբեջանն ու Հայաստանը խաղաղության պայմանագիր կստորագրեն։ «Լավագույն լուծումը խաղաղության պայմանագրի ուղղությամբ առաջընթացն է: Դա բխում է Հայաստանի, Ադրբեջանի և ամբողջ տարածաշրջանի շահերից»,- ասել է Բլինքենը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am