Ուկրաինան պետք է իրավունք ունենա՝ արևմտյան զենքն օգտագործելու Ռուսաստանի դեմ։ Այս մասին հայտարարել է Լեհաստանի ազգային պաշտպանության փոխնախարար Ցեզար Տոմչիկը, հաղորդում է РolskieRadio24-ը։ Նրա խոսքով՝ սահմանափակումներ չպետք է լինեն։ «Ռուսաստանն այսօր անում է այն, ինչ ուզում է, իսկ Ուկրաինային ինչ-որ կերպ սահմանափակում են ինչ-որ երկրներ, դրան պետք է վերջ տալ։ Լեհական դիրքորոշումը հասկանալի է, Ուկրաինան պետք է հնարավորություն ունենա պայքարել այն տեխնիկայով, որը ստանում է։ Լեհաստանն այդ հարցում չի առարկում»,- ասել է Տոմչիկը՝ նշելով, որ քիչ երկրներ նման դիրքորոշում ունեն։ |