Պետրոս Ղազարյանը զրուցել է Ազգային ժողովի նախագահի տեղակալ Ռուբեն Ռուբինյանի հետ։ Դիտարկմանը՝ երեկվա իրադարձություններից հետո ընդդիմությունը ձեզ մեղադրում է, որ դուք նոր «Մարտի 1» եք կազմակերպում, Ռուբինյանն ասել է․ «Տարօրինակ է, որ ընդդիմությունը «Մարտի 1»-ը վկայակոչում է որպես վատ բան, այն առումով եմ ասում, որ դա իրենք են արել։ Ողջունելի է, որ վերջապես հասկացել են, որ իրենք մեծագույն հանցանք են գործել»։ Նրա խոսքով՝ երեկ տեղի ունեցածը որևէ աղերս չունի «Մարտի 1»-ի հետ։