Դերբենտի պատմական սինագոգը գրեթե ամբողջությամբ ոչնչացվել է՝ ահաբեկչական գործողության և հրդեհի հետևանքով։ Այս մասին հայտարարել է հրեական համայնքների ֆեդերացիայի նախագահ Ալեքսանդր Բորոդան։ «Դերբենտի պատմական սինագոգն ամբողջությամբ ոչնչացված է ներսից»,- РИА Новости-ն մեջբերում է նրա խոսքը։ Նա հստակեցրել է, որ շենքը կառուցվել է ավելի քան 100 տարի առաջ՝ 1914թ․։ Բորոդան նշել է, որ սինագոգը երկար տարիներ եղել է Դերբենտում բնակվող հրեաների կենտրոնը և Դաղստանի պատմական ու ճարտարապետական ժառանգության մի մաս։ |