Բագրատ Սրբազանը եռօրյա այցով մեկնել է Սյունիք՝ տարբեր համայնքներում հանդիպումներ ունենալու։ Նա կայցելի Գորիս, Կապան, Սիսիան, Մեղրի քաղաքներ, կբարձրանան նաև Խուստուփ լեռը։ «Մեդիահաբ»-ը հետաքրքրվել է Կապանի քաղաքապետ Գևորգ Փարսյանից, թե պատրաստվո՞ւմ է դիմավորել Բագրատ Սրբազանին։ «Դե, հանդիպելու եմ, դիմավորելը ո՞րն ա, հանդիպելու եմ»,-ասել է նա։ Հարցին, թե մտավախություն չունի՞, որ իշխանությունները բացասաբար կարձագանքեն, Փարսյանն ասել է․ «Հիմա հանդիպման եմ, հետո խոսենք, էլի»։ |