Ադրբեջանի նախագահ Իլհամ Ալիևը Բաքվում ընդունել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ'Բրայենին։ Ադրբեջանական լրատվամիջոցների հաղորդմամբ՝ հանդիպմանը նշվել է Ադրբեջանի դերը Եվրոպայի էներգետիկ անվտանգության գործում, քննարկվել են Ադրբեջանի և ԱՄՆ-ի միջև էներգետիկ համագործակցությունը։ Ընդգծվել է, որ ԱՄՆ-ն աջակցություն կցուցաբերի, որպեսզի COP29-ը հաջող ընթանա։ |