Ինչպես հայտնի է, փետրվարի 15-ին` Կիևի ժամանակով ուղիղ կեսգիշերին, Դոնբասում ուժի մեջ է մտել «նորմանդյան քառյակի» հանդիպման արդյունքում ընդունված հրադադարի պահպանման ռեժիմը: Ուկրաինական զինվորականների տրամադրած տեղեկատվության համաձայն` հրադադարի առաջին ժամերին հատուկենտ կրակոցներ են հնչել: «Հրադադարի ռեժիմը 3 անգամ խախտվել է Չերնուխինոյում, ևս 3 անգամ` Զոլոտոեում: Ուկրաինական կողմից կորուստներ չեն գրանցվել»,- «ԲիԲիՍի»-ի փոխանցմամբ` հաղորդել են Ուկրաինայի ԶՈւ Գերագույն շտաբից:

Անջատականներն իրենց հերթին տեղեկացրել են, թե ստիպված են եղել կրակ բացել` հակառակ կողմից հնչող կրակոցները լռեցնելու համար: