«Սերժ Սարգսյանը չի հասկացել կարևոր հանգամանք` թեև ինքը կարող է ինչ-որ քաղաքական ուժեր շարքից դուրս հանել, բայց իրողությունը չի կարող փոխել. ժողովուրդը վճիռը կայացրել է` Ս. Սարգսյանն ու նրա վարչախումբը պետք է հեռանան: Ստեղծված նոր իրավիճակում ճիշտ ռազմավարություն ընտրելու համար պետք է հասկանալ` ինչպիսին են հակառակորդի ռեսուրսները»,- իր ելույթում ասաց ՀԱԿ փոխնախագահ Լևոն Զուրաբյանը:
«Սերժ Սարգսյանը կաղ բադիկի կարգավիճակում է հայտնվել. կաղ բադիկը հայհոյանք չէ, այլ քաղաքագիտական եզրույթ: Այդպես են ասում այն նախագահներին, ովքեր պաշտոնավարման 2-րդ ժամկետում են ու Սահմանադրությունն արգելում է 3-րդ անգամ ընտրվել: Սա է պատճառը, որ նա կատաղի պայքար է մղում Սահմանադրությունը փոխելու համար, սա է ԲՀԿ-ի ու Ծառուկյանի վրա կատաղի հարձակման պատճառը»,- հավելեց նա: