+14 °C, +14 °C ... +29 °C Վաղը`+28 °C
ՌԴ հետաքննչական հանձնաժողովը պատրաստվում է հետաքննել ուկրաինացի մոդել Աննա Դուրիցկայայի՝ Նեմցովի սպանության գործին առնչություն ունենալու վարկածը: Ինչպես գրում է «Կոմերսանտ»-ը, իրավապահ մարմինների աշխատակիցները նման որոշման են հանգել՝ համեմատելով Դուրիցկայայի՝ գործի առթիվ տրված տարատեսակ վկայություները: Աղբյուրը նշում է, որ Նեմցովի սպանությունից հետո Դուրիցկայան մորը պատմել էր, որ ընթրիքից հետո հենց Նեմցովն էր պնդել, որ իրենք քայլեն մինչև տուն, իսկ ինքը պնդել է, որ տաքսի վերցնեն: Մինչդեռ, ըստ այլ վկաների ցուցմունքների՝ Դուրիցկայան ինքն է պնդել, որ ոտքով տուն հասնեն: Բացի այդ՝ Դուրիցկայայի բաց գույնի վերարկուն նույնպես կարող էր հատուկ նպատակ հետապնդել՝ հանցագործի համար ծառայելով որպես մատնանշող երևույթ: Կասկածի տեղիք են տվել նաև մոդելի այն խոսքերը, որ ինքը կրակոցները լսելուց անմիջապես հետո է ցանկացել ոստիկանություն կանչել, սակայն չի կարողացել, քանի որ այդ պահին չի հիշել ոստիկանության հեռախոսահամարը, և նրան հաջողվել է ոստիկանների հետ կապ հաստատել միայն այդ պահին կամրջի կողքով անցնող ձնահավաք մեքենայի վարորդի օգնությամբ: Հատուկ ուշադրության է արժանացել նաև այն հանգամանքը, որ Դուրիցկայան հրաժարվել է վկայություն տալ պոլիգրաֆիկ սարքի օգնությամբ: Նշենք, որ այժմ 23-ամյա մոդելը Նեմցովի փաստաբանի՝ Պրոխորովի ուղեկցությամբ մեկնել է Կիև և հրաժարվում է որևէ հարցազրույց կամ մեկնաբանություն տալ ԶՄՆ-ներին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am