+17 °C, +16 °C ... +28 °C Վաղը`+29 °C
Տավուշի մարզի Չինչին գյուղի՝ կես դարից ավել գործող և չվերանորոգված մանկապարտեզի շենքային պայմանների հետ ՄԱՄՈՒԼ.am-ն իր ընթերցողներին ծանոթացրել էր ամիսներ առաջ: Խոնավությունից ու մաշվածությունից քարուքանդ, խունացած պատեր, հիգիենայի ծայրաստիճան անմխիթար պայմաններ, խոնավ ու կիսամութ սենյակներ...        Ամբողջովին հիմնանորոգված մանկապարտեզի պաշտոնական բացումը տեղի ունեցավ այսօր, թեև փաստացի երեխաներն արդեն մի քանի ամիս է՝ հաճախում էին վերանորոգված շենք:      «Մեր մանկապարտեզին արված այս նվերը շատ բան է դեպի լավը փոխելու մեր կյանքում: Չինչինում երեխաներ կային, որոնք մանկապարտեզ չէին հաճախում հենց վատ պայմանների պատճառով, իսկ հիմա մենք արդեն 20 երեխա ունենք նախկին 14-ի փոխարեն»,- մանկապարտեզի տնօրեն Լիլիթ Առաքելյանի շնորհակալական խոսքն է փոխանցում է ՄԱՄՈՒԼ.am-ի թղթակիցը:  Չինչին գյուղի գյուղապետ Կարեն Դարբինյանն ու մանկապարտեզի տնօրեն Լիլիթ Առաքելյանը «Աղքատության հաղթահարումը Տավուշի մարզում» ծրագիրը մեծ ուշադրություն է դարձնում Բերդի տարածաշրջանի կրթական, առողջապահական, սոցիալական ու տնտեսական զարգացմանը: Ծրագրի հովանավորն է «Մարդիգյան ընտանիք» հիմնադրամը:   Բացի մանկապարտեզից, այսօր բացման արարողություն տեղի ունեցավ նաև Չինչինի դպրոցում: ՀՕՖ-ի օգնությամբ դպրոցում հիմնանորոգվել էր մարզադահլիճը, արհեստի խմբակի սենյակը, ցանկապատվել է բացօթյա մարզահրապարակը, իսկ նախկին կիսավեր ու անտանելի վիճակում գտնվող արտաքնոցների փոխարեն կառուցվել են նորերը: ՄԱՄՈՒԼ.am-ի թղթակցի հետ զրույցում դպրոցի տնօրեն Արփիկ Ջուլհակյանն իր ու աշակերտների կողմից խորին երախտագիտություն հայտնեց հովանավորներին ու իրականացնողներին. «Նման բան տեսած չկայինք, այժմ մեր արհեստի խմբակը, որ գործում է սեպտեմբեր ամսվանից և ունի 16 մասնակից, այնպիսի հաջողությունների է հասել, որ երեխաներն անգամ իրենց պատրաստած փայտյա խաչքարերից 3-ը նվիրեցին բարեգործներին՝ 1-ը հենց Մարդիգյանների ընտանիքին, մյուսը ՀՕՖ հայաստանյան, մեկն էլ՝ ամերիկյան գրասենյակներին:  Չինչինի արհեստի խմբակի ղեկավար, փորագրող Սարգիս Ղևոնդյանի հեղինակած խաչքարը ՀՕՖ-ի Բերդի գրասենյակի ղեկավար Լուսինե Գրիգորյանն էլ նշեց, որ սա ընդամենը մի օղակն է բարեգործությունների այն շղթայի, որ արել և անելու է ՀՕՖ-ը Տավուշում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am