«Ազատության» ֆեյսբուքյան ասուլիսի հյուրն այսօր դերասան Հովհաննես Ազոյանն է: Օգտատերերի հարցին` ինչպիսի՞ ապագա եք կանխատեսում Հայաստանի համար, ի՞նչ պետք է անենք, որ լավ լինի բոլորի համար, ասել է. «Եթե ուզում ենք, որ Հայաստանը լավ ապագա ունենա, այսօրվանից պետք է սովորենք անգլերեն, որպեսզի խոսենք աշխարհի հետ: Սա իմ խորհուրդն է: Մենք այսօր չենք կարողանում հաղորդակցվել, բացի ռուսերենից: Եթե մեր նախագահն անգլերենին լավ տիրապետի, կկարողանա մեր ազգի խնդիրները ճիշտ մատուցել աշխարհին, ու մենք կբանակցենք, կխոսենք: Ինչ վերաբերում է ԵՏՄ-ին, չեմ կարծում` ապագա ունի, այն ժամանակավոր է, քանի որ ՌԴ-ի վիճակը կասկածի տակ է, տնտեսությունը խնդիր ունի, իսկ մեր տնտեսությունն անմիջապես կախված է ռուսական տնտեսությունից»,- ասաց դերասանը: |