Գյումրիում տեղի է ունեցել «100-ամյակն առանց ռեժիմի» շարժման հանրահավաքը, որի ընթացքում Թատերական հրապարակում սկսվել է իրարանցում. ձվեր են շպրտել հանրահավաքի մասնակիցների ուղղությամբ, որն ավարտվել է դանակահարությամբ: Դանակահարվածը «Հիմնադիր խորհրդարանի» անդամ Հրաչ Միրզոյանն է: Այս պահին նա հետազոտվում է Գյումրիի բժշկական կենտրոնում։ «Ոստիկանների ներկայությամբ դանակահարվեց Հրաչ Միրզոյանը: Այնքան հապաղեցին, հանցավոր անտարբերություն ցուցաբերեցին ոստիկանները, որ աչքի առաջ դանակահարվեց մեր անդամը: Սրա համար ոստիկաններն անձնական պատասխանատվություն պետք է կրեն»,- դեպքից հետո հայտարարել է «Հիմնադիր խորհրդարանի» անդամ Վարդան Հակոբյանը:
|