ԱՄՆ-ի Օրեգոն նահանգի Փորթլենդ քաղաքում գտնվող զբոսայգիներից մեկը՝ Միլ Էնդսը, գրանցված է Գինեսի ռեկորդների գրքում՝ որպես աշխարհի ամենափոքր զբոսայգի:

Ինչպես գրում է «Oddity Central»-ը, երկու մետր տրամագիծ ունեցող այդ շրջանաձև զբոսայգու տարածքը բավականացրել է ընդամենը մեկ փոքր բույսի համար: Սակայն այն համարվում է զբոսաշրջիկների և տեղաբնակների ամենասիրելի վայրերից մեկը:

«Oregon Journal» ամսագրի տեսաբան Դիք Ֆեյգանն, ում գրասենյակի պատուհանը նայում է ուղիղ այդ շրջանաձև տարածքին, նկատել է այն և որոշել ազատ տարածքն ավելի հետաքրքիր վայր դարձնել:
Դիքը մաքրել է տարածքը և բույս տնկել, որից հետո այդ վայրին տվել է Միլ Էնդս անվանումը և իր ամսագրում մի առանձին հոդված նվիրել զբոսայգու ստեղծմանը: Արդյունքում այն աստիճանաբար դարձել է հայտնի և կարճ ժամանակ անց գրանցվել Գինեսի ռեկորդների գրքում: