ԱՄՆ պետքարտուղար Ջոն Քերին շնորհավորական ուղերձ է հղել Ադրբեջանին՝ մայիսի 28-ին նշվող Հանրապետության օրվա առթիվ: Ինչպես հաղորդվում է Սպիտակ տան պաշտոնական հայտարարության մեջ՝ Միացյալ Նահանգների պետքարտուղարն անդրադարձել է նաև Լեռնային Ղարաբաղի հակամարտության կարգավորմանը: Քերին հայտնել է, որ Վաշինգթոնը լրջորեն աջակցում է Եվրոպայում Ադրբեջանի դերին՝ Հարավային գազային միջանցքի միջոցով էներգառեսուրսների մատակարարումները դիվերսիֆիկացնելու համար: Անդրադառնալով Լեռնային Ղարաբաղի կարգավորմանը՝ Ջոն Քերին ընդգծել է, որ ԱՄՆ-ը շարունակում է ջանքեր գործադրել և ուղիներ փնտրել Լեռնային Ղարաբաղի հակամարտության խաղաղ կարգավորման համար: |