+18 °C, +17 °C ... +28 °C Վաղը`+29 °C
Հողմերը, տոռնադոները, ջրհեղեղները Մեքսիկայում, Տեխասում, Օկլահոմայում և տապն Ալյասկայում, Հնդկաստանում կարող են հանդիսանալ Էլ-Նինյոյի առաջին նախանշանները: Այս մասին գրում է «ՆյուՍայընթիստ» պարբերականը: Տեխասում և Օկլահոմայում 5 տարվա երաշտն ավարտվելուց հետո այժմ ջրհեղեղներն են կյանքեր խլում: Նմանատիպ ջրհեղեղներ նախկինում երբեք այս տարածքում չեն դիտվել: Մեքսիկական Սյուդադ-Ակունա քաղաքում երկուշաբթի օրը տոռնադոյի պատճառով զոհվել է առնվազն 13 մարդ: Ալյասկայում օդի ջերմաստիճանը հասել է +30°С-ի, ինչի հետևանքով հալվում են ձյունն ու սառույցը: Նշենք, որ Էլ-Նինյո են անվանում այն երևույթը, երբ տաք ջուրը վերև է բարձրանում Խաղաղ օվկիանոսի խորքերից և տեղափոխվում դեպի Արևելք: Այս երևույթը տաքացնում է ողջ երկիր մոլորակը և տեղումները Ասիայից ու Արևմտյան Ավստրալիայից տեղափոխում է Հարավային Ամերիկա: «Եղանակը, որին մենք հետևում ենք, համապատասխանում է Էլ-Նինյոյի ազդեցությանը,- պնդում են Ավստրալիայի գիտական գործակալության գիտնականները,- այն, ինչպես երևում է, էքստրեմալ բնույթ է կրելու: Հենց այս երևույթով է մեծամասամբ պայմանավորված Հնդկաստանի սաստիկ տապը, որն արդեն մոտ 1700 մարդու կյանք է խլել: Հենց Էլ-Նինյոն կարող է փակել մուսոնային անձրևների ճանապարհը դեպի Հնդկաստան»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am