Տուլայի բնակարաններից մեկում իրավապահները հայտնաբերել են սպանված 5 մարդու մարմին՝ 2 կնոջ և 3 երեխաների, ևս 2-ին մարմնական վնասվածքներով տեղափոխել են հիվանդանոց, հայտնում է «Ինտերֆաքս»-ը: Բոլորի մարմինների վրա եղել են կտրող-ծակող գործիքներից ստացած վերքեր: Զանգվածային սպանության փաստով հարուցվել է քրեական գործ: Ժամեր անց իրավապահները բերման են ենթարկել 30-ամյա կասկածյալին` Ուզբեկստանի քաղաքացի Վ. Շերալիևին: Ըստ նախնական տեղեկությունների` սպանությունից ժամեր առաջ երիտասարդն այդ տանը ոգելից է օգտագործել ընտանիքի անդամների հետ, ինչից հետո սկսել են վիճաբանել, որն էլ ավարտվել է ողբերգությամբ: Դեպքի հանգամանքները պարզվում են: |