Խորհրդարանը քննարկում է «ՀՀ կառավարության և Ռուսաստանի Դաշնության կառավարության միջև ՀՀ կառավարությանը պետական արտահանման վարկ տրամադրելու մասին» համաձայնագիրը: Ըստ հիմնական զեկուցող, ՀՀ ՊՆ առաջին տեղակալ Արա Նազարյանի` վարկը տրամադրվում է 13 տարի ժամկետով, տարեկան 3 % տոկոսադրույքով, օգտագործվելու է 2015-17-ին: Վարկը տրամադրվում է ռազմական նշանակության արտադրանք ձեռք բերելու համար, նոր զինատեսակներ, որ ՀՀ ԶՈՒ սպառազինության մեջ նախկինում չեն եղել:
ՕԵԿ պատգամավոր Մհեր Շահգելդյանը հետաքրքրվեց` իսկ եթե Ադրբեջանն էլ այլ երկրից ձեռք բերի՞:
«Մենք ունենք մեր միջոցներն ու հնարավորությունները ու սա շարունակական կատարելագործման կարքի ունի: Ձեռք բերվող սպառազինությունը հավասարակշռության ապահովման համար է»,- ասաց Արա Նազարյանը: