ԱՄՆ-ը Պետդեպարտամենտը նոր զեկույցի մեջ նախազգուշացրել է իր երկրի քաղաքացիներին աշխարհում իսլամիստների կողմից նախապատրաստվող նոր ահաբեկչությունների մասին: Այս մասին հաղորդվում է Պետքարտուղարության պաշտոնական կայքում: Զեկույցի մեջ նշվում է, որ ծայրահեղական իսլամիստները նոր ահաբեկչություններ են պատրաստում Եվրոպայում, Մերձավոր Արևելքում և Ասիայում ըննդեմ Միացյալ Նահանգների ազգային շահերին` ըստ այդմ թիրախում ունենալով ԱՄՆ քաղաքացիներին: «Մեր ձեռքի տակ առկա տեղեկատվության համաձայն` «Իսլամական պետությունը», «Ալ Քաիդան» ու նրանց հետ առնչվող ահաբեկչական խմբավորումները շարունակում են ահաբեկչական հարձակումներ ծրագրել Միացյալ Նահանգների և Եվրոպայում արևմտյան երկրների շահերի դեմ»,- նշված է պետքարտուղարության զեկույցի մեջ: Վերոհիշյալի մեջ ասվում է նաև, որ իսլամիստները ահաբեկչություններ են ծրագրում ԱՄՆ-ի և եվրոպական երկրների հանդեպ` կապված Միացյալ Նահանգների գլխավորությամբ ստեղծված հակաիսլամիստական կոալիցիայի` Սիրիայում և Իրաքում ԻՊ զինյալների դիրքերի ուղղությամբ իրականացվող օդային հարվածների հետ: |