Մարոկկացի գաղթականը շնչահեղձ է եղել՝ փորձելով ճամպրուկի մեջ թաքնվելու միջոցով անօրինական մուտք գործել Իսպանիա: Այս մասին հաղորդում է «ԲիԲիՍի»-ն: Աղբյուրը նշում է, որ 27-ամյա մարոկկացուն փորձել է ճամպրուկով Իսպանիա հասցնել վերջինի ավագ եղբայրը: Լաստանավը պետք է Մելիլյայից (Աֆրիկայի հյուսիս-արևմուտքում գտնվող իսպանական տարածք) մեկներ Իսպանիայի հարավում գտնվող Ալմերիա քաղաք: Սակայն ճանապարհին 27-ամյա մարոկկացու եղբայրը նկատել է, որ վերջինն այլևս չի շնչում: Նա բժիշկների օգնությանն է դիմել, սակայն այլևս հնարավոր չի եղել գիտակցության բերել: Մարոկկացու ավագ եղբորը 8 տարվա ազատազրկում է սպառնում՝ ոչ կանխամտածված սպանության մեղադրանքով: |