Լիբանանյան Al Akhbar լրատվականը տեղեկացնում է, որ «Իսլամական պետության» ահաբեկիչներն իրենց ընտանիքներին Սիրիայից տարհանում են Իրաքի Մոսուլ քաղաք, որը վերահսկվում է ծայրահեղականների կողմից: Տարհանումն սկսել է այն բանից հետո, երբ ռուսական օդուժը հարվածներ է կատարել Ռաքքա քաղաքի վրա, որն իսլամիստների մայրաքաղաքն է համարվում:

Ըստ լրատվականի` ծայրահեղակնների շրջանում զոհերի թիվը տարբեր տվյալներով 12-100 է:

ՌԴ Զինված ուժերի Գլխավոր շտաբը ևս պաշտոնական տվյալներ է ներկայացրել Սիրիայում կատարած ավիահարվածների վերաբերյալ: Ըստ այդմ` վերացվել է իսլամիստներին պատկանող ավելի քան 50 ռազմական օբյեկտ, ավերվել են հրամանատարական հենակետեր, այդ թվում ` Ռաքքա քաղաքում: Ռուսական զինուժը հայտարարում է նաև իսլամիստների շարքերում զանգվածային դասալքումների վերաբերյալ: